‘देवी’को शीर्ष गीत सार्वजनिक

काठमाडौँ । सञ्जोग राईको लेखन तथा निर्देशनमा बनेको फिल्म ‘देवी’को शीर्ष गीत सार्वजनिक भएको छ । शुक्रबार ओएसआर डिजिटल मार्फत फिल्मको शीर्ष गीत सार्वजनिक भएको हो ।

स्वप्निल शर्माको शब्द र स्वर रहेको गीतमा रोहित शाक्यको संगीत रहेको छ । गीतको भिडियोमा मिङ्मा लेप्चाको नृत्य निर्देशन रहेको छ । गीतमा नारीको पिडा देखाइएको छ ।

क्राइम थ्रिलर जनरामा बनेको फिल्ममा बलात्कारकार घटनामा अनुसन्धान गरिरहेको प्रहरी अधिकारीको कथा देखाइएको छ । पत्रकार र प्रहरी अधिकृत बलात्कारीको खोजि गरिरहेको ट्रेलरमा देखाइएको थियो ।

भदौ २१ गतेबाट प्रदर्शनमा आउने फिल्ममा शिल्पा मास्के, नाजिर हुसेन, गौरव पहारी, टीका पहार लगायतका कलाकारको अभिनय रहेको छ । फिल्मलाई एक्जिबिट स्टुडियोको प्रस्तुतिमा बाँसुरी फिल्म्ससँगको सहकार्यमा तयार पारिएको हो ।

फिल्ममा रेमन गुरुङ र सञ्जोग राई निर्माता, जावेद खान कार्यकारी निर्माता तथा शिल्पा मास्के, उजेन नोर्वे गुरुङ, नारायण गुरुङ र मिलन लामा सहनिर्मातामा छन् ।