बल्ल आयो विष्णु माझीको यसपालिको तीज गीत ‘आइनँ आमा’ ( भिडिओ)

काठमाडौँ । तीजको अवसरमा वर्षेर्नी सयौँ गीतहरु सार्वजनिक हुन गर्छन । तीज आउन दुई तीन महिना अगाडिबाटै गीतहरु सार्वजनिक हुने गर्छन् । तीजका नाममा भड्किला तथा छाडा गीतहरु आए भनेर आलोचना पनि हुने गर्छ । यस्तोमा आम नेपालीहरुले तीजमा सर्वाधिक खोज्ने गीत हो विष्णु माझीको

उनका गीत तीजको केहि दिन अगाडि मात्रै सार्वजनिक हुने गर्छन् । सबैले सुन्न मिल्ने खालको गीत हुन्छन् । त्यसैले यो वर्ष पनि उनको गीतको व्यग्र प्रतिक्षा थियो । यस्तोमा दर्शकको प्रतिक्षा सकिएको छ । उनको । शनिबार बिहान उनको आइनँ आमा बोलको गीत सार्वजनिक भएको छ ।

विष्णुले लगातार तीज गीत सार्वजनिक गर्न थालेको २० वर्ष भयो । यो वर्ष उनको पुतलीको भट्टी भाग २० अन्तर्गतको गीत सार्वजनिक भएको हो । सार्वजनिक गीतमा उनकै श्रीमान् सुन्दरमणि अधिकारीको शब्द र संगीत छ भने विष्णुको एकल स्वर रहेको छ ।

भिडियोलाई सुन्दरमणिले नै निर्देशन गरेका छन् । मौसम हिमालीको कारियोग्राफी रहेको भिडियोमा मोडल ललिता फिचर्ड छिन् ।