‘बेहुली फ्रम मेघौली’को टिजर : स्वस्तिमालाई केटा पाउनै सकस

काठमाडौँ । असोज १७ गतेबाट प्रदर्शनमा आउने चलचित्र ‘बेहुली फ्रम मेघौली’को टिजर सार्वजनिक भएको छ । शनिबार बिहान ओएसआर डिजिटलमार्फत टिजर सार्वजनिक गरिएको हो ।

टिजरमा ३० वर्ष पुगेकी युवतीलाई घरबाट आउने विहेको प्रेशर र मागि विवाहका लागि खोजेजस्तो केटा नपाउने समस्यालाई देखाइएको छ । स्वस्तिमाको विवाहका लागि उनको परिवारको प्रेशर देख्न सकिन्छ । तर उनले भेट्ने प्रत्येक केटामा समस्या देखिन्छ । टिजरले दर्शकलाई फरक स्वाद पस्कने देखिन्छ ।

फिल्मलाई ब्ल्याक हर्ष पिक्चर्स र मेघौली फिल्म्सको ब्यानरमा निर्माण गरिएको हो । फिल्ममा स्वस्तिमाको साथमा निश्चल बस्नेत, वसुन्धरा भुसाल, विजय बराल, सिमरन खड्का, भोला सापकोटा, लोकेन्द्र लेखक, रक्षा थापा लगायतका कलाकारको अभिनय रहेको छ ।

साजन काफ्ले र आकाश बरालले फिल्मलाई संयुक्त रुपमा लेखन तथा निर्देशन गरेका हुन् । चलचित्रमा स्वस्तिमा र निश्चलको लगानी रहेको छ । फिल्मका कार्यकारी निर्माता फिराज खड्का र शंकर पाण्डे हुन् ।