हलमा ‘पूर्ण बहादुरको सारङ्गी’

काठमाडौँ । चलचित्र ‘पूर्ण बहादुरको सारङ्गी’ प्रदर्शनमा आएको छ । तिहारको अवसर पारेर फिल्म आजबाट देशभरका हलहरुमा प्रदर्शनमा आएको हो ।

दशैँमा प्रदर्शन भएका दुई नेपाली फिल्म ‘१२ गाउँ’ र ‘छक्का पञ्जा ५’ले हलमा दबदबा बनाएर राखेका छन् । यस्तोमा ‘पूर्ण बहादुरको सारङ्गी’लाई आफ्नो उपस्थिति जनाउन चुनौती छ । फिल्मले राम्रै शोज पाएपनि अकुपेन्सी राम्रो भएन भने डुब्ने निश्चित छ । यस्तोमा बलिउड फिल्महरु पनि भोलिबाट प्रदर्शनमा आउँदैछन् ।

फिल्मको कन्टेन्ट राम्रो भएमात्रै वर्ड अफ माउथका कारण फिल्म चल्न सक्छ । कलाकारसँगको विवादमा कारण पनि फिल्मको कलेक्सनमा समस्या आउन सक्छ ।

गन्धर्व समुदायको कथामा आधारित भएर निर्माण भएको फिल्मलाई सरोज पौडेलले निर्देशन गरेका छन् । फिल्ममा विजय बराल, प्रकाश सपूत, अञ्जना बराइली, मुकुन भुषाल, बुद्धि तामाङ, देशभक्त खनाल लगायतको अभिनय छ ।