नाजिर र सृष्टिको ‘केटी हराएको सूचना’ को ट्रेलर सार्वजनिक

काठमाडौँ । दीपेन्द्र गौचनको निर्देशनमा बनेको चलचित्र ‘केटी हराएको सूचना’को ट्रेलर सार्वजनिक भएको छ । बुधबार काठमाडौँमा एक कार्यक्रमको आयोजना गर्दै फिल्मको ट्रेलर सार्वजनिक गरिएको हो ।

दुई पात्रको प्रेम र त्यसमा आउने उतार चढावलाई ट्रेलरमा प्रस्तुत गरिएको छ । फिल्मको मुख्य पात्र नाजिर हुसेन र सृष्टि श्रेष्ठको डेटिङ एपबाट चिनजान भएपछि भेट हुन्छ । त्यसपछि आउने प्रेम, मित्रता, द्वन्दलाई ट्रेलरमा देखाइएको छ । ट्रेलरलाई बुद्धि तामाङले न्यारेट गरेका छन् ।

फिल्ममा नाजिर र सृष्टिसहित सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, अर्जुन पोखरेल, ओमप्रकाश कर्ण लगायतको पनि अभिनय छ भने अमितेष शाह विशेष भूमिका छन् । यसमा निर्देशक गौचन स्वयंको लेखन तथा निर्माण छ ।