विपिन कार्कीको ‘काजी’ २७ चैतदेखि हलमा

काठमाडौं । लक्ष्मण रिजालको निर्देशनमा तयार भइरहेको फिल्म ‘काजी’ को प्रदर्शन मिति तय भएको छ । शुक्रबार पोस्टर सार्वजनिक गर्दै निर्माताले फिल्मको प्रदर्शन मिति आगामी २७ चैतलाई तय गरेका छन् ।

फिल्मको मुख्य भूमिकामा विपिन कार्की देखिएका छन् । सार्वजनिक पोस्टरमा विपिन र केकी अधिकारीलाई प्रस्तुत गरिएको छ । फिल्ममा विपिन र केकीको साथमा गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपाने, रश्मी भट्ट, हिउँवाला गौतम, सन्दिपबाबु लोहनी, रोजी श्रेष्ठ, गंगा शर्मा, नवराज गिरी, बुद्धिसागर खनाल, प्रशंसा सुवेदी, कृतिका शर्मा र दिक्षिता अर्याललगायत कलाकारहरूको अभिनय रहनेछ।

निर्देशक रिजालले यसअगाडि ‘कसम’, ‘धुवाँ यो नशा’, ‘अलबिदा’ र ‘कायरा’ जस्ता फिल्म निर्देशन गरेका थिए । रिजाल एण्ड रिजाल प्रोडक्सनको व्यानरमा निर्माण भएको यस फिल्मका निर्माता रामप्रसाद रिजाल हुन् भने कार्यकारी निर्माता असिम काफ्ले, निर्माता नेहान रिजाल र विकासराज जोशी रहेका छन्। प्रदीप भारद्धाजको पटकथा, चिन्तन राजभण्डारीको छायांकन र कालीप्रसाद बाँस्कोटाको संगीत रहेको फिल्मको वितरण श्रीराम बालाजी फिल्म्सले गर्नेछ।