प्रदीपको ‘एक्टर’को छायांकन सकियो, जापान अधिकार बिक्री

काठमाडौँ । सुपरस्टार प्रदीप खड्काको चलचित्र ‘एक्टर’को छायांकन सकिएको छ । पोखरा र काठमाडौँ गरी ४५ दिनमा फिल्मको छायांकन सकिएको हो ।

फिल्मको एउटा गीत छायांकनको लागि बाँकी रहेको निर्माण टिमले जनाएको छ । उक्त गीत अर्को महिना युरोपमा छायांकन हुनेछ ।

कात्तिक १५ गते (लक्ष्मीपूजा)को दिनलाई प्रदर्शन मिति तोकेको फिल्मका निर्देशक राजन भुषाल हुन् । फिल्ममा प्रदीपले कलाकारकै भूमिका निभाएको जनाइएको छ । फिल्ममा प्रदीपको साथमा आना शर्मा, दिव्या रायमाझी, राजबल्लभ कोइराला, आना शर्मा, सुशील सिटौला, दिव्य देव, उषा रजक, प्रदीप चौधरी, बादल भट्ट, अनोज पाण्डे, सुप्रज्ञा शर्मा, सिर्जना अधिकारी लगायतका कलाकारको अभिनय रहेको छ । फिल्मबाट निर्देशक भुषाल र अभिनेत्री दिव्याले डेब्यु गर्दैछन् भने राजबल्लभले १० वर्षपछि कमब्याक गर्दैछन् ।

अदृत फिल्म्सको प्रस्तुतिमा मोती फिल्म्सको निर्माण रहेको फिल्मका निर्माता थमन कुमार भण्डारी हुन् । फिल्ममा एनिस भुसाल सहनिर्माता र मोती कार्की क्रियटिभ प्रोड्युसरमा छन् ।

फिल्मको जापान अधिकार म्याक्स इटरटेन्टमेन्टले खरिद गरेको छ ।