अन्जलीको जवानी टमक्क

काठमाडौँ । यो वर्षको तीज गीतहरु धमाधम सार्वजनिक भइरहेका छन् । प्रत्येक वर्षजस्तो यो वर्ष पनि तीज गीतको वर्षा नै हुने देखिन्छ । यस्तोमा सुनिता बुढाक्षेत्रीको ‘बिजुली चमक्क’ बोलको तीज गीत सार्वजनिक भएको छ ।

कस्तुप पन्तको शब्द संगीत रहेको गीतमा सुनिताको स्वर रहेको छ । गीतको भिडियोमा मोडल अन्जली अधिकारी फिचर्ड छिन् । अन्जलीले आफ्नो अदाले भिडियोमा सबैलाई लोभ्याएकी छन् । डान्सिङ शैलीको गीतमा अन्जलीको हट अवतार देख्न सकिन्छ ।

मनु पन्तको लगानीमा बनेको भिडियोको कोरियोग्राफि र निर्देशन स्मृती तिमल्सिना गुरुआमाले गरेकी छन् । भिडियोलाई दर्शकले राम्रो प्रतिक्रिया दिइरहेका छन् ।