‘देवी’मा यस्तो देखिए गौरव र नाजिर

काठमाडौँ । आगामी भदौ २१ गतेबाट प्रदर्शनमा आउन लागेको चलचित्र देवीको दुई वटा नयाँ पोष्टर सार्वजनिक गरिएको छ । निर्माण टिमले यसअगाडि अभिनेत्री शिल्पा मास्केको लुक्स सार्वजनिक गरिसकेको छ । नयाँ पोष्टरमा अभिनेता नाजिर हुसेन र गौरव पहारीलाई प्रस्तुत गरिएको छ ।

पोस्टरमा नाजिर र गौरवको नयाँ लुक्स देख्न सकिन्छ । गौरव अनुसन्धान अफिसर जस्तो देखिएका छन् भने नाजिर फर्मल पहिरनमा देखिएका छन् । नाजिरको पात्र कुनै अफिसको कर्मचारी जस्तो देखिएका छन् ।

फिल्मलाई रमेन गुरुङ, नारायण राई र सञ्जोग राइले निर्माण गरेका हुन् । फिल्मका कार्यकारी निर्माता जावेद खान हुन् भने सह–निर्माता उजेन नोर्वे गुरुङ र मिलन लामा हुन् ।