‘यो मन त मेरो नेपाली हो’को ‘तिम्रो आँखै रसिलो’ गीत सार्वजनिक

काठमाडौँ । चलचित्र ‘यो मन त मेरो नेपाली हो’को ‘तिम्रो आँखै रसिलो’ बोलको गीत रिलिज गरिएको छ । ओएसआर डिजिटलमार्फत फिल्मको गीत सार्वजनिक गरिएको हो ।

गीतमा दीपक शर्माको शब्द तथा संगीत रहेको छ । गीतमा अस्मिता अधिकारी र सबिन सुवेदीले स्वर दिएका छन् । कविराज गहतराजको कोरियोग्राफी रहेको भिडियोमा रोशन श्रेष्ठ, आयुष समाल, खुशी कार्की, नारायण प्रधान, नरेशवीर सिंह फिचर्ड छन् ।

नेपाल,भारत र अमेरिकाका विभिन्न स्थानमा छायांकन भएको फिल्ममा भारत, मलेसिया, पोल्याण्ड, अष्ट्रिया, बेल्जियम, ट्यूनिसिया, जर्मनी र साउथ अफ्रिकाका कलाकारहरुले पनि अभिनय गरेका छन् ।

मित्र प्रधानको कथा र निर्देशन रहेको फिल्मलाई ज्ञानबहादुर प्रधानले निर्माण गरेका हुन् । फिल्ममा रोशन श्रेष्ठ, विल्सन विक्रम राई, वुद्दि तामाङ, विजय बराल, आयुषा समाल, नारायण खाती, भुपेन्द्र लिङ्देन, सुबास भण्डारी, विजय सुब्बा, विजिता बर्देवा, देवारज राजवंशी लगायतका कलाकारहरुको अभिनय छ ।