‘मोदीबेनी’लाई प्रिमियरमा कस्ले के भने ?

काठमाडौँ । शुक्रबारबाट प्रदर्शनमा आउन लागेको चलचित्र ‘मोदीबेनी’को प्रिमियर सम्पन्न भएको छ । बुधबार काठमाडौँको सिटी सेन्टरमा फिल्मको प्रिमियर गरिएको हो ।

फिल्मको प्रिमियरमा चलचित्रकर्मी, पत्रकार, राजनीतिकर्मीको बाक्लै उपस्थिति देखियो । मोदीबेनी क्षेत्रको एक कथालाई आधार मानेर निर्माण गरिएको चलचित्र हेर्न पुगेका अधिकांशले फिल्मलाई राम्रो बनेको बताए । धेरैले वर्षा शिवाकोटीको कामको तारिफ पनि गरे ।

लामो समयपछि कमब्याक गरेकी रेजिना उप्रेतिको पनि तारिफ भयो । निर्देशक शोभित बस्नेतले लामो समयदेखि रेजिनालाई दर्शकले पर्दामा हेर्न नपाएको कुरा मोदीवेनी पुरा गरेको बताए । यता, नवनायक अमर प्रताप श्रेष्ठको पनि तारिफ भयो ।

कार्यक्रममा दिपाश्री निरौला, निर्मल शर्मा, शोभित बस्नेत, दिनेश राउत, अन्जना बराइली, हिमेश पन्त, मुकुल भुसाल सोविता गौतम लगायतका सेलिब्रेटीहरुको उपस्थिति देखिएको थियो । शंकर कोइरालाको निर्देशनमा बनेको फिल्ममा सरोज खनाल, वर्षा शिवाकोटी, अमर प्रताप श्रेष्ठ, प्रविण खतिवडा, रेजिना उप्रेति, दिलिप केसी, स्नेहा भट्टराई, जीवन भट्टराई, कमलमणि नेपाल लगायतका कलाकारको अभिनय रहेको छ ।