‘स्त्री २’ को कमाई ३ सय करोड माथि

काठमाडौँ । बलिउड फिल्म ‘स्त्री २’ ले बक्सअफिसमा सुनामी नै ल्याइरहेको छ । प्रदर्शनको दिनदेखिनै फिल्मको कलेक्सन उच्च देखिएको हो । फिल्मले ८ दिनमा तीन सय करोड भारुको कलेक्सन गरेको छ ।

फिल्मको कमाईमा अझै ब्रेक लाग्ने सम्भावना देखिएको छैन । ‘जवान’ले ६ दिनमा ३ सय करोडको आँकडा पार गरेको थियो । ‘पठान’ र ‘एनिमल’लाई यो आँकडा छुन ७ दिन लागेको थियो । ‘गदर २’ ले ८ दिनमा ३ सय करोड कलेक्सन गरेको थियो । अब ‘स्त्री २’ पनि ८ दिनमा ३ सय करोडको कलेक्सन गर्ने फिल्म बनेको छ ।

फिल्मले बुधबार ९ करोड ४० लाख, पहिलो दिन ५५ करोड ४० लाख, दोस्रो दिन ३५ करोड ३० लाख, तेस्रो दिन ४५ करोड ७० लाख, चौथो दिन ५८ करोड २० लाख, पाँचौ दिनमा ३८ करोड ५०, छैटौं दिन २६ करोड ८० लाख, सातौं दिन २० करोड ४० लाख र आठौँ दिन १८ करोड २० लाख भारू कमाएको छ ।

अमर कौशिकले निर्देशन गरेको फिल्ममा राजकुमार र श्रद्धासँगै पंकज त्रिपाठी, अभिषेक बनेर्जी, अपारशक्ती खुरानालगायत कलाकारको अभिनय छ। फिल्मको पहिलो पार्ट सन् २०१८ मा प्रदर्शन भएको थियो । त्यतिबेलापनि फिल्मले उधुम कलेक्सन गरेको थियो ।