नेपाल भारतबीचको खेल बराबरीमा सकियो

काठमाडौँ। दशरथ रंगशालामा जारी नेपाल र भारतबीचको मैत्रीपुर्ण खेल बराबरीमा सकिएको छ । पहिलो हाफमा एक गोल गर्दै नेपालले अग्रता लिएको थियो । नेपालका लागि अन्जन बिष्टले ३६औँ मिनेटमा गोल गरेका थिए ।

पहिलो हाफमा अग्रता लिएको नेपाललाई दोस्रो हाफको ६० औँ मिनेटमा भारतले गोल फर्काएर बराबरी गरेको थियो । भारतका लागि अनिरुद्ध थापाले गोल गरेका थिए ।

निर्धारित समयमा दुबै टिमले अग्रता हासिल गर्न नसकेपछि १ १ बराबरीमा खेल सकिएको छ ।